Volto denovo a Zimmer 103 para facer unha profecía! Si, si, leu vostede ben; qu
ero facer unha premonición, un bo agoiro, e todo isto en exclusiva para zimmer 103..."Despois da negrura, despois da espesura mortal, despois aldraxe máis indecente chegou un tempo novo; un tempo para abrir ollos e espertar conciencias, un tempo de rexurdimento social. Despois de todos estes necesarios acontecementos previos, e nun tempo no que o millo é virtual e no que nas lareiras en vez de potes temos a qwerty; virá a REVOLUCIÓN (a re-evolución) cultural. Esta revolución xa se está a producir e non fai case ruido, mais os grandes estouridos están por chegar e son inminentes. Ollamos con satisfacción mandrílica como neste territorio soubemos dicir que xa chegou de atraso e queixume e que comeza a era de sermos os pioneiros, e tan á cabeza estamos que algúns pensarán que a inminente REVOLUCIÓN non ten futuro simplemente porque a facemos nos, pois non se deixe arrastrar por ese pensamento que os tempos xa son chegados."
