- A oficialidade e a loita por unha televisión que emita integramente en idioma asturiano son os grandes debates ós que se enfronta a sociedade astur no ambito sociolingüístico , como ves o posible desenlace dises dous grandes conflictos que afectan á vosa identidade coma nación.

Home, pos la verdá que con abonda desesperanza. La oficialidá va quedar pa prau con esta izquierda plural d'a perrona que mos punxeron de gobernante (y nun lo digo porque la drechona fuere a facelo d'otra manera, sinón porque fueron tan bonos mentirosos como éstos) o va ser una oficialidá a medies, ensin ferramientes nin ganes, nun sé que sedrá pior. Y colo de la tele, tarrezo tamién un mal desenllaz, pocu porcentax d'asturianu en pantalla, y lo qu'esmolez más, en programes de poco interés pa la xente. Fai más un telediariu o'l fútbol n'asturianu que tolos documentales del mundu. Si faes un "Mueyu Rosa" al estilu Tetacinco igual dalgunos morreríemos de vergoña ayeno, pero l'asturianu entraría n'ámbitos onde'l recule paecía imparable.

- Sabemos en zimmer103 que gostas moito da poesía galega e que te achegas a ela con frecuencia, fálanos dos teus favoritos.

Nun m’atrevo a date nomes pero la verdá que la xeneación moza de la poesía gallega failo perbién. Soi fan d’Andar21 onde se topen unes coses mui interesantes... a ver si dalgún día tenemos daqué asina n’Asturies. N’ “el mio cachu...”, dientro de los agradecimientos poéticos que faigo, nomo un poema de Marilar, un retratu tremendu que m’impactó cuando lu lleí.

-Por último Carlos, necesitamos unha radiografía rápida e urxente do país dende o que emite zimmer103 , como nos ves niste noso universo de calendarios desordenados dende a túa fiestra de cor azul.

Pos acolúmbrovos como lo que sois, una xente cercano que vive nuna tierra cercano y onde amás tán llantaos una bona parte de los mios raigaños (mio güelu ye de Carballo, A Coruña). Galiza ta nun momentu de resquiebra, de cambéu… ¡oxalá seya pa bien depués d’estos años nel paleolíticu! Pa munchos asturianistes siempres que se fala de Galiza, habría facese insultando, engochando… yo tengo ciñu y almiración por mui bien de coses gallegues y dígo-ylo a quien faiga falta. De l’actualudá política nel vuesu país tengo incertidume polo que vaiga facer el BNG en xunto col teletubbie del PSdG y toi sollerte col bombu que-y tán dando dientro y fuera Galiza al rollu esti del padremuñu inmaterial gallego-portugués… paez ser qu’hai xente con ganes de xenerar problemas onde nun los hai. Y xente d’esto hailo en Galiza, n’Asturies y en Pernambuco.