Munchísimes gracies por dame la oportunidá de dexavos la mio güeyada de mandril. Dende l’esiliu llionés, un abrazu pa zimmer103.

EL SONÍU DE LES PUERTES CUANDO TRANQUEN

lo único que queda son los andenes,
la carril triyada y los xefes d'estación,
el soníu de les puertes cuando tranquen.
la rutina de distancies conocíes,
les maletes urxentes
y esa estratexa brutal:
la condena de los quilómetros lentos.
tolo demás xira, cambia,
embúrrianos a treslallende,
empobina’l futuru hasta l’esiliu.